Logo

२०७८, मंसिर १४ गते मंगलवार

images
images

रुपन्देही अपडेट: ४ मरे,८१ घाइते,रातभर कर्फ्यु

रुपन्देही अपडेट: ४ मरे,८१ घाइते,रातभर कर्फ्यु

images
images
  • 14.2K
    SHARES
  • images
    रुपन्देही अपडेट: ४ मरे,८१ घाइते,रातभर कर्फ्यु
    images
    images

    काठमाडौँ l रुपन्देहीको बुटवल उपमहानगरपालिका–१७ र १८ स्थित मोतिपुर औद्योगिक क्षेत्रमा जग्गा कब्जा गर्ने समूह र प्रहरीबीच झडप हुँदा चार जनाको मृत्यु भएको छ।

    images

    झडपमा ८१ जना घाइते भए, जसमा ४० जना सुरक्षाकर्मी र ४१ जना जग्गा हडप्न खोज्नेहरु छन् । सुरक्षाकर्मीमध्ये १७ जना सशस्त्र प्रहरी बल र २३ जना नेपाल प्रहरीका रहेका छन् l

    मृत्यु भएकामध्ये तीनको सनाखत हुन नसकेको र एकको सनाखत भएको शिक्षण अस्पताल (युसिएमएस) का जनसम्पर्क अधिकृत सुशील गुरुङले जानकारी दिए।

    उनका अनुसार मृत्यु हुनेमा करिब ४८ वर्षीय कपिलवस्तुको वाणगङ्गा नगरपालिका–४ का रमेश परियार रहेका छन्। उनको अस्पतालमा उपचारका क्रममा मृत्यु भएको थियो। अन्य तीनको अस्पताल लैजाँदै गर्दा बाटोमा मृत्यु भएको गुरुङले बताए।

    मृत्यु भएकाहरु सर्वसाधारण हुन्। अस्पतालमा अन्य पाँच प्रहरी र चार सर्वसाधारणको उपचार भइरहेको छ। घटनाको विस्तृत विवरण आउन बाँकी छ।

    प्रहरीले अस्थायीरूपमा बनाइएका टहराहरूसमेत भत्काएको छ। झडपमा परी कैयौँ घाइते भएका छन्। सो औद्योगिक क्षेत्रको नदी उकास क्षेत्रमा गत सातादेखि ठूलो सङ्ख्यामा अस्थायी टहरा बनाएर जग्गा अतिक्रमण भएको थियो तर अतिक्रमित जग्गाबाट स्थानीयवासी हट्न नखोजेपछि प्रहरीले बल प्रयोग गरेको बताइएको छ। झडपका क्रममा प्रहरीले गोली चलाएको थियो।

    जग्गामा गत चैतमा औद्योगिक क्षेत्रको शिलान्यास गर्दा स्थानीयवासीले विरोध गरेका थिए। करिब २०० बिघा जग्गा सुकुम्बासीको नाममा कब्जा गर्ने प्रयास भइरहेको थियो।

    विसं २०७२ चैत १ मा रुपन्देहीको मोतिपुरमा पाँच वर्षभित्र औद्योगिक क्षेत्र निर्माण गर्ने घोषणा भएको थियो। बुटवल उपमहानगरपालिकासहित तिलोत्तमा नगरपालिका, सियारी र शुद्धोधन गाउँपालिकासित जोडिएको तिनाउ नदी उकास क्षेत्रको सार्वजनिक जग्गामा औद्योगिक क्षेत्र बनाउनेमा सबै दलको सहमति थियो।

    images
    images
    सम्बन्धित समाचार
    धेरै पढिएको