Logo

२०७९, मंसिर २२ गते बिहिवार

images
images
images

गगनले सुरु गरेको स्वास्थ्य केन्द्रको बालेनद्धारा प्रशंसा 

गगनले सुरु गरेको स्वास्थ्य केन्द्रको बालेनद्धारा प्रशंसा 

images
  • कार्तिक २३, २०७९ बुधवार १५:०१ बजे
  • 624
    SHARES
  • images
    गगनले सुरु गरेको स्वास्थ्य केन्द्रको बालेनद्धारा प्रशंसा 
    images
    images
    images

    काठमाडौं, शहरी क्षेत्रका जनतालाई सर्वसुलभ स्वास्थ्य सेवा प्रदान गर्न पूर्व स्वाथ्यमन्त्री गगन कुमार थापाले काठमाडौं क्षेत्र नं ४को ज्ञानेश्वरमा सञ्चालन गरेको  शहरी स्वास्थ्य प्रबर्धन केन्द्रको काठमाडौं महानगरपालिकाका मेयर बालेन्द्र शाह (बोलन)ले अवलोकन गरेका छन् । बुधबार स्वास्थ्य केन्द्रमा पुगेका बालेनले एक घण्टा स्वास्थ्य केन्द्रमा विताएका थिए ।
    स्वास्थ्य केन्द्रको अवलोकनपछि मेयर शाहले स्वास्थ्य केन्द्र राम्रो भएको प्रतिक्रिया दिए । महानगरले अन्य वडामा पनि यस्तै केन्द्र सञ्चालनको तयारीका लागि अवलोकन गर्न आएको बालेनले बताए । गगनले सुरु गरेको स्वास्थ्य केन्द्र्रको मोडल निकै राम्रो लागेको भन्दै प्रशंसा गरे । ‘महानगरले पनि वडाहरुमा यस्तै केन्द्र बनाउन खोजिरहेको छ,’ उनले भने, ‘त्यसका लागि हामीले यो केन्द्र रिफ्रेन्सका रुपमा लिन सक्छौं ।’ कांग्रेस महामन्त्री थापा तत्कालिन अवस्थामा स्वास्थ्यमन्त्री हुँदा यो अवधकारणा ल्याएका हुन् । यो स्वास्थ्य केन्द्रलाई अहिलेसम्म महानगरपालिकाले स्वामित्व नलिएकाले थापाले आफ्नो सांसदको तलब यही स्वास्थ्य केन्द्र्रमा दिएर चलाउँदै आएका छन् ।

    बालेनले केन्द्र सञ्चालनका लागि आवश्यक पर्ने जनशक्ति, बजेट र पूर्वाधारका विषयमा पनि चासो दिएर जिज्ञासा राखेका थिए । सो क्रममा गगन थापाका सल्लाहकार प्रताप पौडेलले हाल उक्त केन्द्र सञ्चालनका लागि वर्षिक एक करोड हाराहारीमा खर्च हुने गरेको र जनशक्तिमा विशेषज्ञ चिकित्सकदेखि सरसफाईं कर्मचारीसम्मको व्यवस्था गरिएको जानकारी दिए । पौडेलेको कुरा सुनेपछि मेयर शाहले महानगरले कति रकम खर्च गर्दा यस्ता केन्द्रहरु सञ्चालनमा ल्याउन सक्छ भन्ने विषयमा पनि गृहकार्य गरिरहेको प्रतिक्रिया दिए । 

    स्वास्थ्य केन्द्रको सरसफाईं देखेर प्रभावित भएका शाहले कर्मचारीलाई सँधै यस्तै सफा हुन्छ भनेर जिज्ञासा समेत राखेका थिए । ‘कस्तो सफा रहेछ। सफा देखेर मलाई त अचम्म लाग्यो, उनले भने, ‘सँधै यस्तै सफा हुने हो ? गगन थापाका सल्लाहकार पौडेलले थपे, ‘सरकारी स्वास्थ्य संस्था भन्नेवित्तिकै फोहोर हुन्छ भन्नेहरुका लागि यो संस्था नमुना बनाउने प्रयास गरेका छौं । स्वास्थ्य संस्था सँधै सफा हुनुपर्छ भनेर नै जोड दिएका छौं ।’

    उनीहरुको कुरा सुनेपछि मेयर शाहले भुइँ मात्र नभई भित्ताहरु पनि सफासुग्घर रहेको भन्दै संस्थाको प्रशंसा समेत गरे ।
    शाहले निशुल्क औषधि, फिजियोथेरापी, नागरिकहरुको स्वास्थ्य प्रोफाइल, प्रयोगशाला लगायतका विषयमा भइरहेको कामका विषयमा पनि चासो दिएका थिए । स्वास्थ्य केन्द्र गगन थापाको अगुवाईमा मानव स्वास्थ्यसँगको सहकार्यमा काठमाडौं महानगरपालिका वडा नम्बर ३० द्वारा सञ्चालित हो । यो केन्द्रबाट उपचारात्मक, सामुदायिक स्वास्थ्य सेवा र स्वास्थ्य प्रवद्र्धनदेखि घर–घरमै स्वास्थ्य सेवा प्रवाह गरिरहेको छ ।  एमडिजिपी चिकित्सकद्धारा नियमित रुपमा ओपिडी परामर्श, स्त्रीरोग, बाल रोग, हाडजोर्नी, छाला, नाक कान घाँटी, सामान्य चिकित्सा, आयुर्वेदक चिकित्सा जस्ता विशेषज्ञ परामर्श सेवा यो केन्द्रमा लिन सकिन्छ । एक्सरे, इसिजी, फिजियो थेरापी, मानिसक स्वास्थ्य परामर्श सहित फार्मेसी सेवालाई पनि यो केन्द्रले प्राथमिकतामा राखेको छ । 

    वडा नं ३० मा बसोबास गर्ने घर परिवार र व्यक्तिहरुको घरमै पुगेर स्वास्थ्य अवस्थाको जानकारी संकलनमा हाल यो केन्द्र जुटिरहेको छ । हालसम्म १५ हजार जनाको स्वास्थ्य संकलन भइसकेको छ । 

     

    images
    images

    ३ घुम्ती

    सम्बन्धित समाचार
    धेरै पढिएको